不得不提呢個款式起Murphy Lab固定目錄係冇嘅，因為唔少客人都希望擁有一支Murphy Lab Goldtop，但又唔想太過舊化，所以經過我哋同Murphy Lab溝通後，決定通過M2M計劃將呢支結他實現。開箱果然冇令人失望，Ultra Light Aged下，你仍會仔細發現到Goldtop上隱密嘅裂紋，甚至需要特定角度燈光先可以呈現到。透過燈光反射，金色同紋理互相輝映，望成晚都得！ Murphy Lab係Gibson Custom Shop中一個全新實驗室，致力於創新藝術，使用最新、最先進技術同工具對結他進行復古舊化處理。每位工匠受到Tom Murphy訓練，成為復古舊化工藝專家。每位成員都使用Tom制定嘅流程同規格提供各個級別復古造舊同復古磨損，造舊範圍從超輕度造舊Ultra Light Aged到超重度造舊Ultra Heavy Aged。 每件Murphy Lab舊化工藝樂器與Custom Shop其他產品完全獨立分開，僅接受新款Murphy Lab油漆配方並採用Murphy Lab技術手工噴塗。 每件經過Murphy Lab處理嘅樂器都係獨一無二嘅藝術品，能夠提供終極復古外觀，感覺同擁有體驗。