柏斯音樂愛心大使牛牛 走進校園 分享音樂

柏斯音樂聯同國際著名青年鋼琴家 暨 柏斯音樂愛心大使 牛牛 (張勝量) Niu Niu - 牛牛 一同走入校園，到訪將軍澳培智學校與一眾師生進行音樂交流及完成咗一場「愛心滿滿」嘅音樂大匯演。 牛牛除咗為學生彈奏咗多首動聽嘅歌曲讓佢哋感受到音樂嘅魅力之外，學校節奏樂隊嘅學生們亦充滿準備咁同牛牛喺舞台上合奏咗兩首歌曲 。小編覺得最感動嘅係，學校合唱團嘅同學特意準備咗一首作品《我要感恩》送俾牛牛，唱到一半牛牛仲上前為大家伴奏，大家都覺得好窩心 。

音樂讓生活更美好，希望音樂可以繼續陪伴住一班同學仔茁壯成長，同時多謝牛牛又再一次同我哋一齊喺社區、喺學校同各個層面嘅學生們分享音樂 ‧ 分享愛。柏斯音樂會繼續堅持初心以唔同嘅形式推動音樂文化，同大家分享音樂嘅快樂，大家密切期待我哋嘅社交平台啦，希望下次活動時有您一起參與！